Jahr: 2020

des Bundesgesundheitsministerium BMG hot auf a na Seitn
“Zusammen gegen Corona”
wichtige Informationen zur Impfung zum Download zamg’stellt

https://www.zusammengegencorona.de/

er is á genervt vo de ganzn Corona-Umständ…

es is drauf g’schi…
… aba mia hoitn durch!

es gibt leider koa Buidl vom Kamin untn im Wohnzimmer

es gibt an Weihnachtn á no andane Gschichtn,
zum Beispui de vo da Anni und’m Franz,

de zwoa san weit üba 80e eanane 3 Kinda woitn koane Bauern net sei und so wohnan de zwoa aloa aufm Hof oberhoib vo Lenggrias,
sie hom bloss no wenig Viacha – hoit fian Eingbedarf…

sie hom’s gmiatlich do o’m, a scheene Aussicht, vui Blótz und da Kachlofn in da Kich macht schee warm.

Iatzamoi hom’s a Gschicht dazäit, de is einfach richtig nett:

Da Franz sitzt am Vormittog oiwe mit da Lesebruin und am kloana Liachtl in da Kuchl und liest Horoskope –
de liest a jedn Dog, de findt a einfach witzig,
de Anni sitzt vormittogs meistns im Zimma daném und richt d’Wäsch zam, naht wos oder bastlt wos…

Vor 3 Wochan war des á a so
und in seim Horoskop is foigendes dring’standn:

“Melden sie sich doch mal wieder bei einer früheren Freundin, sie könnten wunderschöne Erfahrungen miteinander austauschen”

Ah, des is etz a nette Idää…

Da Franz nimmt sei Händi und ruaft d’Anni im Nebnzimma ó –
“i woit me bloss a moi wida meldn, soit ma uns net amoi wieda treffn, wos moanst?
D’Anni, ja gern, aba wart bis mei Mo fuatgeht, na konnst kemma!
Da Franz steht auf und geht nüba zua Anni und sie lachan richtig mitnand –

Is des net schee wenn a oids Ehepaar noch üba 50 Johr Ehe no a so mitnand lacha ko!

Liabe Leit, losst’s Eich grod in dera Zeit net unterkriang und schaugt’s, dass’ oiwe moi wieda wos zum Lacha gibt.

I wünsch Eich Olle scheene Weihnachtn!

A älteres Ehepaar beim Hois-Nasn-Ohrn-Arzt,

sie regt se furchtbar auf weil ihr Mo einfach nia zuahärt.
Da Dokter macht mit jedn an Hörtest und hoit’s na gemeinsam wieda rei:

Etz sog i Eich wos, ihr härt’s oi Zwoa gleich schlecht,
sie schnauft lautstark durch und schimpft: Do hätt i ma etz ja koan jüngan Mo suacha braucha, oda…

Tja, do hot etz da Dokta á koan Rat mehr g’wusst

Bei uns war’s fast ähnlich, i hob mein Mo á a moi zum Hörtest g’schleppt weil a nia zuahärt,
des bläde war aba nachad, dass i schlechta g’härt hob ois wia er,
seitdem brauch i eam mit nix mehr kemma – oiso überlegt’s eich guat obt’s eian Mo zum Dokta schleppt’s

(I glab ja heit no, dass der de Tests vadauscht hot)

Es is tatsächlich so, dass etz Impfstoffe do san
normalerweis dauert des Jahre…

Aber wos hoaßt etz des eigntlich dass a Wirkstoff a 95%ige Wirkung hot?

Noch heitigm Stand is des so, dass de Wirkstoffe nóch da Impfung bei Oam seiber zu 95% entweder an Corona-Ausbruch verhindern oder zumindest den Valauf erheblich obschwächn,
oiso bei Oam selber gibt’s a Immunreaktion und im Idealfoi á Antikörper in de obern Atemwege,

Buidl Charite Berlin

des hoaßt aber á, dass ma trotzdem fia Andane ansteckend bleibt wenn ma se den Virus ei’gfanga hot – á wenn ma g’impft is!
Ma schnauft nämle de Viren dann über de Nosn wieda aus und steckt vielleicht Andane ó

de Schutzmaßnahmen wia Maske und Abstand wern uns oiso no länga erhoitn bleim

Konn ma etz nachad damit de Pandemie stoppn?
Wenn se vui gnua Leit impfn lossn dátn, wár des denkbar – aber des dauert Jahre…

Desweng forschn 160 Laboratorien weltweit auf Hochtouren weida,

Buidl vom BMBF

ma hot festg’stellt dass’ no a eings Immunsystem in de Nasennebenhöhlen gibt,
und do setzt ma iatz ó –
ma woaß ja vo Tiere, dass se de á beim Menschn o’stecka kenna (aber überwiegnd net umg’kehrt – unsane Hund und Katzn leidn, san aber fia uns Menschn net anstecknd)

mit Dromedare is ähnlich, do laffan jetzt Testreihen mit am neien Impfstoff fia de Nasennebenhöhlen – wia a Nasenspray…
und de Wirkung is 99% positiv und zwar net nur fia de Dromedare selber, sondern á fia olle Andern weil
nämle beim Ausatmen praktisch koane Corona-Viren mehr über de Nasenschleimhäute ausgeschiedn wern

de Tests san no net auf de Menschn übertrong worn – aber des is dann da nächste Schritt der kummt –

bis dohi guit

Impfn schützt Oan selber aba
ma bleibt weida infektiös fia Andane
oiso trotzdem Maske auf und Abstand hoitn

De Nebenwirkungen vo da jetzign Immpfung san a eings Kapitl, des werd se ois a erst no nóch und nóch raustelln

am 21. kimmt da kürzeste Dog und nachad geht’s wieda aufwärts – zumindest mi’m Liacht

des Buidl is zwar fia Wien, aber des zoagt ganz prima des Phänomen von der unterschiedlichn Zeitgleichung

oiso Wintersonnenwende am 21.12. – des is wirkle da kürzeste Dog,
da früheste Sonnenuntergang is aber scho am 12. 12., da Dog fühlt se oiso no kürzer o’ – stimmt aber net
und da späteste Sonnenaufgang is am 2. Januar 2021 ca. 8:04 Uhr

danoch funktioniert wieda Beides, da Sonnenaufgang is friara
und da Sonnenuntergang werd oiwe spader – oiso de Dog wern wieda länga

wenn’ts fia Minga oder Andane Städt de Zeitn Sonne/Mond o’schaung woits, dann kennts auf dera webseitn nochschaung:

https://www.sunrise-and-sunset.com/de/sun/deutschland/muenchen

Vui Spass mit hell und dunkl
und an scheena Advent

des Weda auf da drübern Seitn vo de Alpn werd oiwe no grauslicha

iatz sauft des Venedig scho wieda ob – da Wasserspiagl is an da Stauwand 123cm häa wia normal – und es steigt

in da Nähe vo Neapl hot in Giugliano einfach d’Erdn nochge’m und iatz hom’s Angst dass mit dem vuin Reng des Loch zu am Krater werd, und wer woass wos do ois drin vaschwindt?

a Teil vo de Leit kimmt iatz nimma ins Haus nei – etz miassns erst an Weg durch de Nachbarsgärtn richtn

in Italien bricht d’Erdn durch
woanders hebt sa se

Noch 70 Johr Streit hot se da Nepal und China g’einigt, dass da Mount Everest iatz um 86cm häher is
(Da Everest is d’Mittn vo de zwoa Staatn)
China sogt, mia messn de Felsn – da Nepal sogt des Eis do drom is Teil vom Berg, mia messn vo da Eisspitzn – und so is des hin und her ganga…

Häher is a etz aba g’wiss, weil da Mt. Everest zu de jüngern Gebirge g’härt und durch de tektonische Plattnvaschiabung oiwe no in d’Häh wachst
Wenn’s etz na wieda in a boor Johr messsn, is a so oder so um mindestns 86cm häher – i bin scho g’spannt wega wos’ nachad strein

des schaugt idyllisch aus

aber des deischt, de armen Italiener hot’s etz scho wieda dawischt
in de Dolomitn hauts an Haufn Schnee oba

da Brenner is g’sperrt, do schaugt’s aus wia im ewign Le’m

und in da Gegnd vo Modena is “Land unter”

de Luftaufnahmen san vo da italienischn Feierwehr

mia san ja mit a boor nette Italener befreindt, i findt dass etz scho moi á a bisl a Glück hom derfatn

de Bayern san á mi’m Impfstoff wieda vorndro

Des war a Berliner Drucker
und zwar der Ernst Litfaß – der hot se über den Verhau vo 1000e von Plakate aufg’regt und hot se g’sogt
“do muass a Ordnung her”
1854e san in Berlin de erstn aufg’steit worn.

De Säuln hom se zu a’m wichtign Info-Blattl entwicklt – und kommunikativ war des á – de Leit san stehblie’m und hom über des wos’ do g’lesn hom diskutiert – do hot’s koa Händi net braucht

1979 hot’s a Sammlermarkn dazua gebn, Kopien davo konn ma heit no auf Amazon fia oan Euro kaffa

In Berlin steht a scheens Litfaß-Denkmoi in Berlin-Mitte

De oidn Litfaßsäulen san scho a Schmuckstück g’wesn – in ganz Europa gibt’s no welche davo,
in Deitschland sans no rd. 50 000 Stück – vui oide aber á vui neie

de steht in Stockholm

des is a Jugendstil-Litfaßsäule aus Blech mit Transformatoren-Station von de Stadtwerke in Karlsruhe (do gibt’s insgesamt no 12 ganz Oide wunderscheene Säuln)

1930e is in Berlin de erste Litfaßsäule afg’stellt worn de vo innen g’leicht hot – des war etz scho ziemle modern

de Elektriker san grod dabei – da Oane arbat, da Anderne hebt d’Loata

es gibt natierlich a neiare Versionen

des war a Werbecampagne in Minga

und des is Kultur in Wien

I gfrei me jed’s moi wenn i irgendwo oane sieg
i mog de Säuln vom Litfaß

und überhaupts,
wenn s’es a in Lego gibt dann is des scho wos G’scheits

in Lego? Des schaft net a Jeda,
do kunnt er stoiz sei, da Herr Litfaß