Montgolfiade 2020

Normalerweis is’ ja bei da Montgolfiade furchtbar greislich. Aber desmoi hot se da Petrus denkt “etz hams gnua g’littn”.
Es is wolkenlos – bayrisch weiss und blau.

Auf da Strass dageng is’ grau in grau und Stau…

Um hoibe 11e fahrn de Ballons in Wiessee los und 3 Minutn späda sans na bei uns herübn

Aus olle Eckn dauchans auf

schee sans, bunt und ziemlich gross

und dann auf oamoi werd oana obg’hängt?

dem BMW geht irgndwia da Dampf aus?

De Pferdln wundern se á

De Späze mit de Anhänger san scho do und sammeln Olle ei
und de Andern g’frein se weida üba den scheena Dog

heit auf’d Nacht gehts zum Ballonglühen nüba