De erstn Gschichtn schreib i aber i hoff, dass’ vui Leit gibt de a gern a Gschicht verzein woin.
I bin über 60e, verheirat, war in meim früheren Lebn mit 3 Kinder und am Vulltimejob beschäftigt.
Iatz mache Pause und damit i net eirost sammet i Gschichtn, fotografier vui und hoff dass e mei Italienisch und mei Französisch a bisl aufbolliern konn.
I find’ es soit a amoi a Seitn gebn wo ma zwar a nochdenga konn aber – und des is des wichtigste – a schmunzeln und lacha – oiso des a bisl Nettere in unsrer Umgebung.
I hoff, dass eich de Seitn gfoit und gfrei me über des wos’ ihr zruckschreibts – sowas wia
„wos d` Oma verzeit hot“, wo’s ihr zletzt warts oder wos fia a Hobby dass’ ihr hobts usw. (da Opa verzeit natirlich a amoi wos wo olle d’ Aung vadrahn)
Schreibts einfach wos eich eifoit – vielleicht mach a i a nette boarische Gschicht draus… blog@oberland-gschichtn.de
Vui Spass mit dem Blog